Ultime Nutizie
Cercà
Sundasgiu
Ritratti
Riflessione...
Pulitica
07/01/2005
Eccu a Dichjarazione di i Diritti di l'Omu è di u Citadinu. Speru chì i sapientò di quella republica averanu un cerbellu per capì ciò chì dui seculi fà, i fundadori di quessa avianu scrittu.
"I riprisententi di u populu francese, custituidi in Assemblea Naziunale, cunsiderendu chì l'ignuranza, a dimenticanza o u dispettu di i diritti di l'omu sò e sole cause di e sciagure publiche è di a curruzzione di i guverni, anu dicisu di spone, ind'una dichjarazione sulenna, i diritti naturali, inalienabili è sacrati di l'omu, di modu chì sta dichjarazione, in cuntinuu prisente à tutti i membri di a sucietà, li ramenti sempre i so diritti è i so duveri ; di modu chì l'atti di u Putere Legislativu è quelli di u Putere Esecutivu, pudendu esse ogni volta paragunati cù u scopu di qualsiasi istituzione pulitica, ne sianu di più rispettati ; di modu chì e lagnanze di i citatini, ghjustificate aramai da principii semplici è incuntestevuli, vaghinu sempre à u mantenimentu di a Custituzione è a felicità di tutti.
Per cunsequenza, l'Assembléa Naziunale ricunnosce è dichjara in prisenza di l'Essere Supranu, i seguenti diritti di l'Omu è di u Citatinu.
Articulu Primu : L'Omi nascenu è fermanu liberi è pari in diritti. E distinzioni suciali ùn ponu ghjustificassi chè per l'utilità cumuna.
Art. 2 : U scopu d'ogni associu puliticu hè u mantenimentu di i diritti naturali è imprescrittibili di l'omu. Sti diritti sò a libertà, a pruprietà, a sicurità è a risistenza à l'uppressione.
Art. 3 : U principiu di tutta suvranità ripone essenzialmente ind'a Nazione. Nisun corpu, nisunu pò esercità autorità chì ùn venga precisamente da a Nazione.
Art. 4 : A libertà cunsiste à pudè fà tuttu ciò chì ùn nuce micca à l'altri : hè cusì chì a pratica di i diritti naturali d'ognunu pianta à e limite chì permettenu à l'altri membri di a sucietà di gode i listessi diritti. Ste limite ùn ponu esse stabilite chè da a Lege.
Art. 5 : A Lege ùn pò pruibì chè i fatti chì nucenu à a sucietà. Tuttu ciò chì ùn hè pruibitu da a Lege ùn pò esse interdettu, è nimu pò esse custrettu à fà ciò chì a Lege ùn impone.
Art. 6 : A Lege hè spressione di a vuluntà generale. Tutti i citatini in persona, o per mezu di riprisententi soi, anu dirittu di participà à a so cuncezzione. Deve esse a listessa per tutti, siasi ch'ella prutega, siasi ch'ella cundanni. Essendu pari in lege, tutti i citatini sò, à paru, ammissibili à tutte e dignità, piazze è impieghi publichi, secondu e so capacità è senza distinzione chè quella di e so virtù è di i so talenti.
Art. 7 : Nisunu pò esse accusatu, arrestatu o imprigiunatu chè in i casi previsti da a Lege, è secondu u modu chì a Lege prescrive. Quelli chì sulliciteghjanu, spediscenu, esecuteghjanu o facenu esecutà ordini arbitrarii devenu ese puniti ; ma ogni citatinu chjamatu o incausatu in virtù di a Lege deve ubbidì subitu : a resistenza u rende culpevule.
Art. 8 : A Lege ùn pò stabilì chè cundanne ghjustamente è veramente necessarie, è nisunu ùn pò esse punitu chè secondu una lege stabilita è prumulgata nanzu à u delittu è legalmente appiecata.
Art. 9 : Tuttu omu hè presuntu nucente sin'à ch'ellu ùn hè statu dichjaratu culpevule. S'è lu hè ghjudicatu indispensevule d'arrestallu, tuttu rigore chì ùn seria necessariu per catturallu deve esse ripressu cù se verità da a Lege.
Art. 10 : Nimu deve esse frasturnatu pè e so upinioni, ancu puru religiose, à cundizione chì spremendule ùn guastinu l'ordine publicu.
Art. 11 : A libera cumunicazione d'idee è upinioni hè un dirittu frà quelli più preziosi di l'omu : ogni citatinu pò dunque parlà, scrive, stampà liberamente, for chè à risponde di l'abusu d'ista libertà in i casi stabiliti da a Lege.
Art. 12 : A garanzia di i diritti di l'omu è di u citatinu necessiteghja a forza publica. Sta forza hè dunque istiuita pè u bè di tutti è micca per l'utilità particulare di quelli chì ne anu a carica.
Art. 13 : Pè l'intrattenimentu di a forza publica è pè e spese d'amministazione, una cuntribuzione cumuna hè necessaria : deve esse scumpartuta ugualmente frà tutti i citatini secondu i mezi d'ognunu.
Art. 14 : Tutti i citatini anu u dirittu di custatà da per elli, o per mezu di i so riprisentanti a necessità di a cuntribuzione publica, d'accunsentela liberamente, di surveglianne l'impiegu è di determinanne a quatoparte, à basa, u ricuveru è a durata.
Art. 15 : A sucietà hà dirittu di dumandà conti à tuttu agente publicu di a so amministrazione.
Art. 16 : Tutta sucietà duve a garanzia di i diritti ùn hè assigurata, nè a separazione di i puteri determinata, ùn hà custituzione.
Art. 17 : A pruprietà essendu un dirittu inviulabile è sacratu, nisunu ne pò esse privatu, for chè sì a necessità publica, legalmente custatata, n'abisogna veramente è à patti è cundizioni d'una ghjusta è anticipata indennità."
"I riprisententi di u populu francese, custituidi in Assemblea Naziunale, cunsiderendu chì l'ignuranza, a dimenticanza o u dispettu di i diritti di l'omu sò e sole cause di e sciagure publiche è di a curruzzione di i guverni, anu dicisu di spone, ind'una dichjarazione sulenna, i diritti naturali, inalienabili è sacrati di l'omu, di modu chì sta dichjarazione, in cuntinuu prisente à tutti i membri di a sucietà, li ramenti sempre i so diritti è i so duveri ; di modu chì l'atti di u Putere Legislativu è quelli di u Putere Esecutivu, pudendu esse ogni volta paragunati cù u scopu di qualsiasi istituzione pulitica, ne sianu di più rispettati ; di modu chì e lagnanze di i citatini, ghjustificate aramai da principii semplici è incuntestevuli, vaghinu sempre à u mantenimentu di a Custituzione è a felicità di tutti.
Per cunsequenza, l'Assembléa Naziunale ricunnosce è dichjara in prisenza di l'Essere Supranu, i seguenti diritti di l'Omu è di u Citatinu.
Articulu Primu : L'Omi nascenu è fermanu liberi è pari in diritti. E distinzioni suciali ùn ponu ghjustificassi chè per l'utilità cumuna.
Art. 2 : U scopu d'ogni associu puliticu hè u mantenimentu di i diritti naturali è imprescrittibili di l'omu. Sti diritti sò a libertà, a pruprietà, a sicurità è a risistenza à l'uppressione.
Art. 3 : U principiu di tutta suvranità ripone essenzialmente ind'a Nazione. Nisun corpu, nisunu pò esercità autorità chì ùn venga precisamente da a Nazione.
Art. 4 : A libertà cunsiste à pudè fà tuttu ciò chì ùn nuce micca à l'altri : hè cusì chì a pratica di i diritti naturali d'ognunu pianta à e limite chì permettenu à l'altri membri di a sucietà di gode i listessi diritti. Ste limite ùn ponu esse stabilite chè da a Lege.
Art. 5 : A Lege ùn pò pruibì chè i fatti chì nucenu à a sucietà. Tuttu ciò chì ùn hè pruibitu da a Lege ùn pò esse interdettu, è nimu pò esse custrettu à fà ciò chì a Lege ùn impone.
Art. 6 : A Lege hè spressione di a vuluntà generale. Tutti i citatini in persona, o per mezu di riprisententi soi, anu dirittu di participà à a so cuncezzione. Deve esse a listessa per tutti, siasi ch'ella prutega, siasi ch'ella cundanni. Essendu pari in lege, tutti i citatini sò, à paru, ammissibili à tutte e dignità, piazze è impieghi publichi, secondu e so capacità è senza distinzione chè quella di e so virtù è di i so talenti.
Art. 7 : Nisunu pò esse accusatu, arrestatu o imprigiunatu chè in i casi previsti da a Lege, è secondu u modu chì a Lege prescrive. Quelli chì sulliciteghjanu, spediscenu, esecuteghjanu o facenu esecutà ordini arbitrarii devenu ese puniti ; ma ogni citatinu chjamatu o incausatu in virtù di a Lege deve ubbidì subitu : a resistenza u rende culpevule.
Art. 8 : A Lege ùn pò stabilì chè cundanne ghjustamente è veramente necessarie, è nisunu ùn pò esse punitu chè secondu una lege stabilita è prumulgata nanzu à u delittu è legalmente appiecata.
Art. 9 : Tuttu omu hè presuntu nucente sin'à ch'ellu ùn hè statu dichjaratu culpevule. S'è lu hè ghjudicatu indispensevule d'arrestallu, tuttu rigore chì ùn seria necessariu per catturallu deve esse ripressu cù se verità da a Lege.
Art. 10 : Nimu deve esse frasturnatu pè e so upinioni, ancu puru religiose, à cundizione chì spremendule ùn guastinu l'ordine publicu.
Art. 11 : A libera cumunicazione d'idee è upinioni hè un dirittu frà quelli più preziosi di l'omu : ogni citatinu pò dunque parlà, scrive, stampà liberamente, for chè à risponde di l'abusu d'ista libertà in i casi stabiliti da a Lege.
Art. 12 : A garanzia di i diritti di l'omu è di u citatinu necessiteghja a forza publica. Sta forza hè dunque istiuita pè u bè di tutti è micca per l'utilità particulare di quelli chì ne anu a carica.
Art. 13 : Pè l'intrattenimentu di a forza publica è pè e spese d'amministazione, una cuntribuzione cumuna hè necessaria : deve esse scumpartuta ugualmente frà tutti i citatini secondu i mezi d'ognunu.
Art. 14 : Tutti i citatini anu u dirittu di custatà da per elli, o per mezu di i so riprisentanti a necessità di a cuntribuzione publica, d'accunsentela liberamente, di surveglianne l'impiegu è di determinanne a quatoparte, à basa, u ricuveru è a durata.
Art. 15 : A sucietà hà dirittu di dumandà conti à tuttu agente publicu di a so amministrazione.
Art. 16 : Tutta sucietà duve a garanzia di i diritti ùn hè assigurata, nè a separazione di i puteri determinata, ùn hà custituzione.
Art. 17 : A pruprietà essendu un dirittu inviulabile è sacratu, nisunu ne pò esse privatu, for chè sì a necessità publica, legalmente custatata, n'abisogna veramente è à patti è cundizioni d'una ghjusta è anticipata indennità."
A scopa
U restu
06/01/2005
Ma chì serà ? Eccu un articulu nant'à stu chjoccu di carte tradiziunale corsu. Hè statu pigliatu nant'à u situ di l'Adecec www.adecec.net
Ghjocu nustranu, a scopa era u divertimentu di tutti, chjuchi è majò, vecchj' è zitelli, smaliziati è birbanti ; anzi, u studiu di u ghjocu d'ognunu, senza mettelu fora di randula, era specchju framante o cunnusciutu di u spiritu è di u ghjudiziu di sè stessu. Ellu palisava u vostru pesu à cantarettu, dicia u ghjustu à chi, ben intesu, sapia o vulia fà èstimu di i so pari.
Chi tanti "tests" ! A scopa face scopre u prossimu è tace u dettu sceleratu.
Inde u mazzulu di e carte corse, u sette di danaru avia nome di "sete bellu". Ogni carta porta u so valore, fora di e figure chi valenu dece punti. Per ghocu di soldi, c'era d'altri patti (vede a seguita).
Si dà carte per unu à i quatru o dui ghjucatori, è si ne scopre quatru altre in tavula. Un c'hè mai carta suprana, perchè dimmula chjacchjerendu, so tutte inde u ghjocu ! Per sapè ghjucà, basta à sapè cuntà i "quatru punti" ; ma per ghjucà bè, ci vole à bè "cuntà a regula" francassi di e "scopi". U ghjocu cunsiste à chjappa a carta o e carte di e quali u valore aparina a so propria carta. S'ellu ùn si pò piglia, si scarta omu. A partita hè di 21 punti.
I quatru punti
1/ U contu di e carte : face puntu. A parte da 19 insù : 18 sò patte ; 19 marca UN puntu.
2/ I danari : rè, donna, sbiru, assu, sette, sei, cinque, quatru, trè.
Quì dinò, da 4 danari insù : UN puntu.
3/ U sette bellu o bonu : UN puntu per quellu chi l'hà.
4/ A primiera : à parte da u 7, e figure ùn anu nissun valore. Carte di valore : i quatru 7, valore cumplettu. Dopu si scumparte u valore da u 7 à falà à u 5.
A chi face à primiera, marca UN puntu.
Fa scopa
Quand'ellu ferma una sola carta in tavula o 2 o 3, è chi u primu ha ghjucatu, u ghjucatore face "carta piglia carta". S'ellu hà una carta in manu chi hè u tutale di l'altre scuparte in tavula,
(esempiu : 4 è 3, sette ; o 7 è 3 dece ), stu ghjucatore face Scopa chi conta UN puntu.
Per marca e scope si mette inde u mazzulu una carta di u pieghu arricoltu à l'arimbasciu, è si conta à a fine, agghjunghjendule à u contu di i "quatru punti".
Ghjocu nustranu, a scopa era u divertimentu di tutti, chjuchi è majò, vecchj' è zitelli, smaliziati è birbanti ; anzi, u studiu di u ghjocu d'ognunu, senza mettelu fora di randula, era specchju framante o cunnusciutu di u spiritu è di u ghjudiziu di sè stessu. Ellu palisava u vostru pesu à cantarettu, dicia u ghjustu à chi, ben intesu, sapia o vulia fà èstimu di i so pari.
Chi tanti "tests" ! A scopa face scopre u prossimu è tace u dettu sceleratu.
Inde u mazzulu di e carte corse, u sette di danaru avia nome di "sete bellu". Ogni carta porta u so valore, fora di e figure chi valenu dece punti. Per ghocu di soldi, c'era d'altri patti (vede a seguita).
Si dà carte per unu à i quatru o dui ghjucatori, è si ne scopre quatru altre in tavula. Un c'hè mai carta suprana, perchè dimmula chjacchjerendu, so tutte inde u ghjocu ! Per sapè ghjucà, basta à sapè cuntà i "quatru punti" ; ma per ghjucà bè, ci vole à bè "cuntà a regula" francassi di e "scopi". U ghjocu cunsiste à chjappa a carta o e carte di e quali u valore aparina a so propria carta. S'ellu ùn si pò piglia, si scarta omu. A partita hè di 21 punti.
I quatru punti
1/ U contu di e carte : face puntu. A parte da 19 insù : 18 sò patte ; 19 marca UN puntu.
2/ I danari : rè, donna, sbiru, assu, sette, sei, cinque, quatru, trè.
Quì dinò, da 4 danari insù : UN puntu.
3/ U sette bellu o bonu : UN puntu per quellu chi l'hà.
4/ A primiera : à parte da u 7, e figure ùn anu nissun valore. Carte di valore : i quatru 7, valore cumplettu. Dopu si scumparte u valore da u 7 à falà à u 5.
A chi face à primiera, marca UN puntu.
Fa scopa
Quand'ellu ferma una sola carta in tavula o 2 o 3, è chi u primu ha ghjucatu, u ghjucatore face "carta piglia carta". S'ellu hà una carta in manu chi hè u tutale di l'altre scuparte in tavula,
(esempiu : 4 è 3, sette ; o 7 è 3 dece ), stu ghjucatore face Scopa chi conta UN puntu.
Per marca e scope si mette inde u mazzulu una carta di u pieghu arricoltu à l'arimbasciu, è si conta à a fine, agghjunghjendule à u contu di i "quatru punti".
Lingua Corsa Ufficiale
Ghjuventù
26/11/2004
A Ghjuventù Corsa ghj'hè torna in carrughju per a difesa di a Lingua Materna. Eccu quì, ciò chì a Ghjuventù Indipendentista è l'Associu di i Liceani Corsi anu distribuiti eri in parechjii cità di l'isula.
Per a difesa di a nostra lingua : Lingua Corsa Ufficiale
« Sgaiuffi chì ci vole à lampà in prighjò », eccu ciò chè noi, giovani Corsi primurosi di l’avvene di u nostru paese, simu per u statu francese. È quessa, a ricusemu. Patriotti Corsi, eccu ciò chè nò simu. Ciò chè nò vulemu ghjè pudè campà libari è in pace ind’è noi. Dumandemu di pudè amparà a nostra lingua, i nostri usi, a nostra storia in scola. Saria troppu ? Ci vole à crede la postu chì ogni volta chè nò manifestemu per i nostri diritti u guvernu francese ci manda i so pulizzeri per unica risposta. Oghje, vuleriamu dì à u statu francese chì nega i nostri diritti , chì u nostru populu esiste è chì noi, avvene di stu paese, saremu sempre quì per difende lu, è ùn ci pianteremu mai di luttà. Vuleriamu dì à issu statu chì ogni volta ch’ellu ci manderà e so forze di ripressione ci truverà adduniti, è micca intimuriti per difende i diritti di i Corsi è di a Corsica. In fine, mandemu u nostru sustegnu à tutti i giovani Corsi chì, per via di u so impegnu sò stati arrestati, minati, è ghjudicati da un paese culuniale chì ùn capisce nunda à a Corsica è à i Corsi.
Lotta Ghjuventù, l'Avvene si tù !!!
« Sgaiuffi chì ci vole à lampà in prighjò », eccu ciò chè noi, giovani Corsi primurosi di l’avvene di u nostru paese, simu per u statu francese. È quessa, a ricusemu. Patriotti Corsi, eccu ciò chè nò simu. Ciò chè nò vulemu ghjè pudè campà libari è in pace ind’è noi. Dumandemu di pudè amparà a nostra lingua, i nostri usi, a nostra storia in scola. Saria troppu ? Ci vole à crede la postu chì ogni volta chè nò manifestemu per i nostri diritti u guvernu francese ci manda i so pulizzeri per unica risposta. Oghje, vuleriamu dì à u statu francese chì nega i nostri diritti , chì u nostru populu esiste è chì noi, avvene di stu paese, saremu sempre quì per difende lu, è ùn ci pianteremu mai di luttà. Vuleriamu dì à issu statu chì ogni volta ch’ellu ci manderà e so forze di ripressione ci truverà adduniti, è micca intimuriti per difende i diritti di i Corsi è di a Corsica. In fine, mandemu u nostru sustegnu à tutti i giovani Corsi chì, per via di u so impegnu sò stati arrestati, minati, è ghjudicati da un paese culuniale chì ùn capisce nunda à a Corsica è à i Corsi.
U netmaestru dispone di tutte l'autorizazione legale necessarie per a publicazione di u cuntenutu prisente nant'à u situ. L'Università per via di i sò cunsiglii (CA, CEVU), ùn à ancu decisu d'un regulamentu di u cuntenutu di i blog di i studienti.